Imirwano irakomeye hagati y’Ingabo za Repubuli Iharanira Demokarasi cya (FARDC) n’abarwanyi ba M23 mu mujyi wa Goma.
Amasasu menshi n’ibibombe birimo birumvikana mu bice bitandukanye mu bice byegereye ikiyaga cya Kivu,mu gihe mu ijoro ryo kuwa 27 rishyirya kuwa 28 Mutarama 2025, imirwano yari yahagaze.
Amasasu makeya yumvikanaga mu bice bitandukanye mu mujyi wa Goma cyane cyane ahitwa Majengo,Ndosho, ahandi amasasu yumvikanaga mu nzira igana mu misozi ya Mutaho.
Nta bisasu biremereye byumvikanye mu ijoro mu mujyi wa Goma no no mu nkengero zaho,ibi bikaba byahaye abantu agahenge ko kuruhuka .
Bamwe mu baturage batuye mu mujyi wa Goma babwiye itangazamakuru ko badashobora kwemeza uyoboye umujyi wa Goma kubera imirwano yari yiriwe,itaratanga icyizere cyo kugaragaza ninde ufite insinzi.
Mu gitondo cyo kuri uyu wa Kabiri tariki 28 Mutarama 2025 saa kumi n’ebyiri n’iminota 25 nibwo hongeye kumvikana urusaku rw’imbunda nini n’intoya hafi y’ikiyaga cya Kuvu no mu mujyi wa Goma.
Imipaka irafunze ku buryo abantu badashobora gukomeza ubuhahirane ,naho mu mujyi wa Gisenyi imirimo yongeye gutangira.
Abantu batuye ku mupaka bavuye mu mazu yabo mu mujyi wa Gisenyi hamwe n’abanyekongo bavuye mu mujyi wa Goma bashakiwe aho baba bacumbikiwe mu Murenge wa Rugerero na Bigogwe.
