Kuri uyu wa Mbere taliki 24 Ukuboza 2024, muri Mozambique imyigaragambyo yongeye kubura nyuma y’uko urukiko rw’ikirenga rushimangiye intsinzi y’umukandida Daniel Chapo w’ishyaka riri ku butegetsi mu matora ya perezida yabaye mu Kwakira ataravuzweho rumwe.
BBC dukesha iyi nkuru yibutsa ko aya matora yakurikiwe n’imyigaragambyo yiciwemo abantu nyuma y’uko umukandida wigenga wabaye uwa kabiri yanze kwemera ibyavuye mu matora.
Ni mu gihe kuri ubu Venâncio Mondlane, wabaye uwa kabiri, ubu uri mu buhungiro, kuva amatora yaba yakomeje gusaba abamushyigikiye kwigaragambya bamagana amatora yavuze ko yabayemo uburiganya.
Ejo hashize, abigaragambya bumvikanye batera hejuru bavuga izina Venânco Mondlane, batwika imipine y’imodoka, bafunga imihanda ndetse batera amabuye abapolisi nabo baoabasubiza bakoresheje ibyuka biryana mu maso.
