Polisi na RIB binjiye mu kiganiro n’abayobozi b’amashuri bagaragaweho imicungire mibi ya mudasobwa bahawe na REB

Umuyobozi Mukuru w’ Urwego rw’Igihugu rushinzwe Uburezi bw’Ibanze REB, Nelson MBARUSHIMANA yayoboye inama yahuje Polisi y’u Rwanda, Urwego rw’Igihugu rw’Ubugenzacyaha RIB, na bamwe mu bayobozi b’ibigo by’amashuri byagaragaweho imicungire mibi ya mudasobwa bahawe na REB.

Iki kiganiro cyabaye kuri uyu wa Kabiri tariki ya 19 Ugushyingo 2024.

Umuyobozi Mukuru w’ Urwego rw’Igihugu rushinzwe Uburezi bw’Ibanze ,yashimangiye ko abayobozi b’ ibigo by’amashuri bafite inshingano zo gucunga neza umutungo w’ibigo babereye abayobozi, mu rwego rwo kwimakaza kuzamuka kw’ireme ry’uburezi.