Mu gihe ikipe ya FC Barcelona irimo gukora ibitangaza muri iyi minsi, abantu benshi batangiye gusubiza amaso inyuma batangira kugereranya iyi kipe igihe yatozwaga n’umutoza Xavi, ubwo babonaga iri mu marembera, n’ubu itozwa na Hansi Flick, aho yavuye mu isayo,maze rutahizamu Lewandowsk aba umwe mu bahishura imibereho barimo ku bw’umutoza Hansi Flick.
Nyuma yo kunyagira ikipe ya Real Madrid, Lewandowsk, agatsindamo ibitego 2, muri 4-0, batsinze, Lewandowsk yagize icyo avuga ku mutoza we, ati:”Mwibaza icyo Hansi Flick akora gitangaje?”
Yungamo ati:”Buri mukinnyi hano aba yiyumvanamo n’umutoza Hansi, uyu munsi twabigaragaje. Tuba tuvugana mu kibuga, n’ubwo nta jambo twasohora.”
Kuri uyu mukino hagiye havugwa byinshi, cyane cyane ku ruhande rwa FC Barcelona, yatahanye intsinzi, birumvikana.
Aho nk’umukinnyi Lamine Yamal, yatangaje ko abakinnyi ba Real Madrid, bakekaga ko nta kaguru k’iburyo agira, ariko ngo ubwo yagatsindishaga igitego, yabahishuriye ko nako agafite, kandi ko agakoresha iyo bibaye ngombwa.
N’ubwo bimeze gutyo, umutoza wa Real Madrid, yashimagije FC Barcelona, avuga ko mu by’ukuri hari byinshi Barcelone yahinduye ariko atagereranya abatoza babiri, Hansi Flick, utoza FC Barcelona na Xavi Hernandez, wayitozaga kuko bose bagiye batsinda Real Madrid mu bihe bitandukanye.
