Urwego rw’Igihugu rw’Ubugenzacyaha, RIB, rwataye muri yombi, Umuyobozi Mukuru wa Sosiyeti y’Ubwishingizi, ‘Sonarwa General Insurance’, Rees Kinyangi Lulu, akurikiranyweho kunyereza arenga miliyoni 117 RWF.
Amakuru agera ku itangazamakuru ni uko Kinyangi yatawe muri yombi ku wa 02 Ukwakira 2024, aya mafaranga ashinjwa kunyereza afitanye isano na Nobilis Hotel isanzwe ari iya Sonarwa.
Kinyangi yatawe muri yombi hamwe na Uwamahoro Aisha wari usanzwe ari Umucungamutungo w’iyi Hotel.
Dr Murangira B. Thierry, uvugira Urwego rw’Igihugu rw’Ubugenzacyaha, RIB, ni we wemeje itabwa muri yombi ry’aba bombi.
Yagize ati: “Ni ukuri. Bakurikiranyweho kunyereza umutungo no gukoresha nabi umutungo ufitiye rubanda akamaro.”
Mu gihe iperereza rigikomeje, abakekwa dosiye yabo yamaze gushyikirizwa Ubushinjacyaha.
