Mu Karere ka Kirehe haravugwa inkuru y’abantu batatu batawe muri yombi na Polisi bakurikiranyweho gutema urutoki rw’umuturage bakarwararika.
Umuturage bivugwa ko yatemewe urutoki ni uwitwa Théoneste Ntahompagaze, utuye mu Murenge wa Mushikiri, Akagari ka Bisigara ho mu Mudugudu w’Umutuzo. Bivugwa yatemewe insina zibarirwa muri 200.
Polisi y’Igihugu ibinyujije ku rukuta rwa X, yatangaje ko yamaze guta muri yombi abantu batatu bakekwaho gutema insina za Ntahompagaze.
Igira iti: “Muraho, hafashwe abantu batatu bakekwaho kugira uruhare mu gutema insina za Ntahompagaze Théoneste.”
Ikomeza ivuga ko abafashwe bafungiye kuri Sitasiyo ya Polisi ya Nyarubuye, mu gihe hari n’abandi bacitse, ariko bakaba bagishakishwa.
