Abasore babiri bavukana bo mu Karere ka Nyamasheke mu Murenge wa Kagano, Akagari ka Gako ho mu Mudugudu wa Kazibira, bakubise umuntu bamuca ugutwi kugwa kuvaho kugwa hasi.
Ibi byabaye mu gihe cya saa moya z’umugoroba (19h00′) wo ku wa Gatandatu taliki 24 Kanama 2024.
Abo basore babiri bavukana ni Sabagirirwa Martin w’imyaka 27 y’amavuko na Abururabo Augustin w’imyaka 24 y’amavuko baciye ugutwi uwitwa Mundanikure Jean Paul.
Umunyamabanga Nshingwabikorwa w’Umurenge wa Kagano, Uwimana Damas, yatangaje ko urwo rugomo rwatewe no gushyogozanya n’ubusinzi, ababigizemo uruhare bafunzwe.
Yagize ati: “Nibyo urugomo rwakozwe rwatewe n’uko bashyogozanyaga ku kazi bakora ko kwikorera imizigo bari mu kabari banasinze, bararwana ababigizemo uruhare bashyikirijwe RIB.”
Uwakubiswe agacibwa ugutwi yajyanywe mu Bitaro bya Kibogora kugira ngo abaganga bagerageza ku gusubizaho.
