Mu Burasirazuba bwa Repubulika Iharanira Demokarasi ya Congo imirwano yongeye kubura hagati ya M23 n’abarwanyi ba Wazalendo.
Iyi mirwano yabaye kuri uyu wa Kabiri taliki 20 Kanama 2024, ibera muri Teritwari ya Lubero yo muri Kivu y’Amajyaruguru.
Kivu Morning Post yatangaje ko iyi mirwano yari ikomeye yari ihanganishije M23 n’Abawazalendo bo mu mutwe wa FPP/AP, yabereye mu nkengero za Lubero ku muhanda Kirumba-Kikuvo-Kamandi.
Mu ruhande rwa M23 bo bavuga ko Ingabo za FARDC/FDNB/FDLR bagabye ibitero ku birindiro bya M23 ndetse ko bangije byinshi bakica n’abaturage.
