Abagenzuzi b’uburezi basuye amashuri atandukanye mu Karere ka Rulindo harimo KINIHIRA TSS bagenzura imiyoborere y’iri shuri ndetse n’ireme ry’uburezi ritangwa mu mashami iri shuri ryigisha harimo Ibijyanye n’amazi, ubwubatsi, ububaji, amashanyarazi ndetse no gusudira.
Abagenzuzi b’uburezi bari mu gikorwa ngaruka mwaka cyo gusura amashuri 563 ya Tekiniki, Imyuga n’Ubumenyingiro hirya no hino mu gihugu mu rwego rwo kugenzura imiyoborere y’ayo mashuri ndetse n’ireme ry’uburezi rihatangirwa bityo hatangwe ubujyanama bugamije kurizamura.
Iki gikorwa cyateguwe kubufatanye bwa NESA, TVET Quality Management Project ( TQUM) na Rwanda Polytechnic ( RP).
