Urwego rw’Igihugu rw’Ubugenzacyaha mu Rwanda,RIB rwatangaje ko rwafunze BARIKANA Eugene wari umudepite mu Nteko Ishinga Amategeko y’u Rwanda. Akurikiranyweho gutunga intwaro mu buryo bunyuranyije n’amategeko.
BARIKANA avuga ko izi ntwaro yazitunze akibana n’abasirikare yibagirwa kuzisubiza.
Kugeza ubu afungiye kuri Sitasiyo ya RIB ya Remera mu gihe iperereza rikomeje ngo hagaragazwe uburyo yazibonyemo n’impamvu yari azitunze atabyemerewe n’amategeko.
RIB iributsa abaturarwanda ko gutunga intwaro bifite amategeko abigenga ko kandi unyuranyije nayo uwo ariwe wese aba akoze icyaha ndetse akurikiranwa nk’uko amategeko ahana mu Rwanda abiteganya.
BARIKANA afunzwe nyuma yo kwegura mu Nteko Ishinga Amategeko nk’intumwa ya rubanda.
