Ese imbere y’umukuru w’igihugu APR BBC iritwara ite?
APR FC yatwaye igikombe cya cya Primus national league
Iyi kipe y’ubukombe hano mu Rwanda ya APR FC ikomeje guca uduhigo aho yegukanye igikombe cyayo cya 22 mu mwaka w’imikino wa 2023-2024 mu bikombe 30 imaze gukinira kuva yashingwa.
Iyi kipe n’ubwo yegukanye iki gikombe yananiwe kwikura imbere y’ikipe y’Amagaju FC. Iyi kipe y’Amagaju Fc yahagamye iyi kipe y’igihangange iyibuza kubona amanota atatu kuri icyi cyumweru kuwa 12-5-2024, aho yayibanje igitego ariko ikaza kucyishyura umukino ukaza kurangira amakipe aguye miswi igitego 1-1. Mu birori byo gutwara iki mu mateka nibwo abakinnyi b’abanyabigwi bahagaragaye. Ibi bikaba byashimishije benshi.
Abanyabigwi ba APR FC
Iyo uvuze APR FC utavuze Rayon Sport Fc burya ntibyumvikana neza kuko ni amakipe ahora ahanganye yaba mu kibuga no hanze yacyo kuko bisa nk’aho abafana bigabanyije ayo makipe. Ikipe rero ya Rayon Sport Fc uyu mwaka w’imikino ntabwo wayoroheye habe na mba kuko yatashye amara masa mu bikombe bikuru bikinirwa hano mu Rwanda. Mu gikombe cy’amahoro yaviriyemo muri 1/2 cy’irangiza aho yakuwemo n’ikipe ya Bugesera Fc yarimo irwana no kureba uburyo yakora ibishoboka byose ngo itamanuka mu cyiciro cya kabiri.
Mu gihe iyi kipe ya gisirikare ikina umupira w’amaguru ibyishimo byari byose, ku rundi ruhande ikipe ya APR BBC iri i Dakar mu gihugu cya Senegal mu mikino ya Sahara coference ibintu bikomeje kugirorana aho yari itegereje ko ikipe ya US MONASTIR iza gutsindwa ariko bikarangira itsinze ikipe ya RIVERS HOPERS 73-62. Rero iyi kipe ya APR BBC irasabwa gukora ibishoboka byose igatsinda umukino urimo kuyihuza n’ikipe ya DOUANES kugira ngo izabone amahirwe yo gukina imikino ya nyuma ya BAL izabera i Kigali mu Rwanda muri sitade iteye amabengeza muri Afurika ya BK ARENA. Iramutse inaniwe gutsinda uyu mukino rero bikaba byayibuza mahirwe yo kuzitabira uwo mukino.
Iyi kipe ya APR BBC yari yatangiye neza itsinda kipe ya US MONASTIR ariko nabwo bigoranye kuko yayitsinze amanota 89-84 nyuma yo kunganya 78-78 igakizwa n’iminota itanu y’inyongera. Mbere y’uyu mukino wa nyuma rero, izi kipe nizo zikurikirana kuko ikipe ya APR BBC iri ku mwanya wa gatatu naho DOUANES iri ku mwanya wa nyuma aho zinganya amanota 7. Uko zinakurikirana rero kandi zikaba ziranihurira, murumva ko hari buce uwambaye dore ko uyu mukino uri bwitabirwe na nyakubahwa umukuru w’igihugu cy’Urwanda Paul Kagame.
