Abahungu batatu b’umuyobozi mukuru mu bya Politike b’umutwe wa Hamas, Ismail Haniyeh, bapfuye bishwe n’igisirikare cya Israel.
Aba bahungu biciwe mu gitero Ingabo za Israel zagabye mu Ntara ya Gaza ejo hashize ku wa Gatatu taliki 10 Mata 2024. Aho niho Ingabo za Israel zimaze igihe zihanganiye n’abigize Hamas bagenzura Gaza.
Ingabo za Israel mu itangazo, zivuga ko icyo gitero zakoresheje ibisasu byo mu kirere cyahitanye abahungu ba Haniyeh bari basanzwe bari mu bayobozi bakuru b’igisirikare cya Hamas aribo; Amir Haniyeh, Mohammad Haniyeh na Hazem Haniyeh.
CNN yatangaje ko nta rundi rwego ruratangaza koko niba abo basirikare Israel yishe ari ab’umuyobozi mukuru wa Hamas.
Iyi ntambara imaze amezi asaga atandatu, imaze guhitana abasaga ibihumbi 33, mu gihe imirwano igikomeje. Ibihugu bitandukanye bikomeje ubuhuza kugira ngo impande zombi zihagarike intambara.
