Abayobozi b’amakipe yombi ya Rayon Sports mu bagabo n’abagore, yifatanyije n’abafana, abakinnyi n’abatoza, kuri uyu wa Kabiri taliki 9 Mata 2024, bakoze urugendo rwo kujya Kwibuka Jenoside yakorewe Abatutsi mu 1994.
Abafana b’iyi kipe bitabiriye uru rugendo ku gicamunsi cyo kuri uyu wa Kabiri, mu rwego rwo kwifatanya nayo mu Kwibuka ku nshuro ya 30 Jenoside yakorewe Abatutsi.
Bakora uru rugendo bari bafite icyapa kinini cyanditseho Kwibuka ku nshuro ya 30 Jenoside yakorewe Abatutsi hananditseho Rayon Sports.
Basuye kandi Urwibutso rwa Jenoside rwa Nyanza ya Kicukiro aho bunamiye inzirakarengane ziharuhukiye bashyira indabo kumva zishyinguwemo.
Abitabiriye iki gikorwa bari abayobozi ba Rayon Sports bari bayobowe na Perezida Uwayezu Jean Fidel, abafana ba Rayon Sports bari barangajwe imbere na Kapiteni Muhire Kevin, abatoza ndetse n’abakunzi b’iyi kipe.
Uru rwibutso rwa Nyanza ya Kicukiro kandi Rayon Sports yari yakoreyeho igikorwa nk’iki umwaka ushize taliki 08 Mata, mu Kwibuka ku nshuro ya 29 Jenoside yakorewe Abatutsi mu 1994.
