Muri Repubulika ya Demokarasi ya Congo mu gitondo cyo kuri uyu wa Kane taliki 04 Mata 2024, hazindutse imirwano mu duce dutandukanye two muri Kivu y’Amajyaruguru.
Iyi mirwano ihanganishije M23 n’Ingabo za Congo n’abandi bambari bazo bafatanya kurwanya umutwe wa M23.
Iyi mirwano yabereye ku misozi iri mu Karere ka Kitolu-Kisingiri hafi y’umujyi wa Kibirizi, muri ibyo bice humvikanye urusaku rw’intwaro zikomeye kandi ziremereye.
Uruhande rw’ingabo za FARDC nirwo rushinjwa ubushotoranyi ndetse biravugwa ko rutatinye no kurasa mu baturage.
Ni mu gihe mu duce twa Mugunga Ndosho na Keshero mu Mujyi wa Goma haraye humvikanye amasasu hakaba hataramenyekana icyerekezo yaturutsemo.
