RDC: Ishyaka rya Tshisekedi ryatangiye gusenyukira muri AFC ya Nanga

Hari abo mu ishyaka riri ku butegetsi muri Repubulika ya Demokarasi ya Congo, UPDS, nabo batangiye kwinjira mu ihuriro ry’imitwe ya gisirikare, Alliance Fleuve Congo, AFC, rya Corneille Nanga, rigamije guhirika ubutegetsi bwa Perezida Tshisekedi.

Ugaragara ibumoso ku ifoto Jean Claude Wakantsha, niwe wamaze kwiyunga kuri AFC nk’uko yabitangaje we ubwe akoresheje imbuga nkoranyambaga.

Uyu Jean Claude Wakantsha wahoze ari umwe mu bayobozi bavuga rikijyana mu ishyaka riri ku butegetsi rya UPDS, yinjiye muri Alliance Fleuve Congo ya Corneille Nanga irwanya iri shyaka yavuyemo.

Uyu mugabo akimara kwinjira muri Alliance Fleuve Congo, yatangaje ko aziye igihe, ashishikariza n’abandi Banyekongo kuza kwifatanya na AFC.

Ati: “Uyu ni umwaka mwiza kuri Congo n’Abanyekongo kugira ngo bibohore. Ndakangurira Abanyekongo bose kumenya ko iki ari igihe cyabo kandi mugane Alliance Fleuve Congo niyo irimo ubukiriro.”

Uyu yiyunze kuri AFC mu gihe ishyaka riri ku butegetsi ryari rimaze iminsi rishinja bamwe mu bayobozi, kuva mu mashyaka yabo, bakinjira muri iri huriro rishaka guhirika Leta ya Kinshasa.