Rayon Sports y’Abagore yashimangiye ko yegukanye igikombe cya Shampiyona uyu mwaka giherekejwe n’intsinzi mu mukino wanyuma yatsinzemo Fatima WFC ibitego 5-0.
Uyu mukino wabereye mu Nzove aho Rayon Sports isanzwe yakirira imikino yayo, wabaye kuri uyu wa Gatandatu taliki 30 Werurwe 2024.
Abakunzi ba Rayon Sports bari bitabiriye uyu mukino ku bwinshi, maze yitwara neza bitayigoye nk’uko byari byitezwe ko iri buwutsinde.
Rayon Sports yatsindiwe na Mary Chavinda watsinzemo ibitego 2 wenyine, Nibagwire Libell, Uwitonze Nyirarukundo na Mukandayisenga Jeanine ‘Ka-Boy’.
Gikundiro yegukanye iki gikombe cya Shampiyona y’u Rwanda uyu mwaka itsinzwe umukino umwe gusa.
Uyu mwaka ni uwa kabiri Rayon Sports y’Abagore yegukana igikombe cya Shampiyona, kuko umwaka ushize yari iherutse gutwara icyo mu kiciro cya kabiri.
Rayon Sports si iki igikombe gusa yegukanye ahubwo yanasinyiwe sheki ya miliyoni 15 z’amafaranga y’u Rwanda.
Iyi kipe kandi ifite n’amahirwe yo kwegukana igikombe cy’Amahoro kuko mu mukino wa ¼ wayihuje na APAER WFC iherutse kuwutsinda ku intsinzi y’igitego 1-0.
U Rwanda mu mikino ya CAF Women’s Championships League Zonal qualifiers izabera muri Ethiopia ruzahagararirwa na Rayon Sports.
Iyi mikino izatangira taliki ya 17 Kanama kugeza taliki ya 01 Nzeri 2024.
