Mu matora y’umukuru w’igihugu mu Burusiya yabaye kuva ku wa Gatanu taliki 15 Werurwe kugeza ku Cyumweru taliki 17 Werurwe 2024, imibare y’agateganyo y’ibyayavuyemo yerekana ko Vladimir Putin ari we watsinze.
Nyuma y’amajwi y’agateganyo yashyizwe hanze yerekana ko Putin ari imbere n’amajwi 87.86%, ibi bimuha amahirwe yo gukomeza kuyobora u Burusiya muri manda ya gatandatu nyuma y’imyaka 25 ayoboye iki gihugu.
Gutsinda kwa Vladimir Putin kuzasiga akuye Joseph Stalin ku gahigo ko kuba ari we wamaze igihe kinini ayoboye u Burusiya kuva mu myaka 200 ishize.
