Uwabaye Perezida wa kabiri wa Tanzania, Ali Hassan Mwinyi, yitabye Imana ku myaka 98 y’amavuko.
Kuri uyu wa Kane tariki 29 Gashyantare 2024, nibwo, urupfu rwa Mwinyi rwatangajwe na Perezida wa Tanzania Samia Suluhu Hassan.
Mwinyi yapfiriye mu Bitaro bya Mzena biherereye i Dar es Salaam aho yarimo avurirwa, nk’uko Perezida Samia Suluhu yakomeje abitangaza.
Perezida Samia Suluhu yahise atangaza icyunamo cy’iminsi 7, aho hazururutswa ibendera ry’Igihugu rikagezwa hagati.
Umusaza Mwinyi witabye Imana ku myaka 98 y’amavuko, yabaye Perezida wa Tanzania asimbuye Julius Nyerere kuva mu 1985 kugeza 1995.
Kandi Mwinyi yigeze kuba Minisitiri w’Umutekano na Visi Perezida wa Tanzania.
