Mu rwego rwo kuzamura ireme ry’uburezi mu Rwanda, Minisiteri y’uburezi (MINEDUC) ibinyujije mu bigo biyishamikiyeho birimo NESA, REB, RTB, RP ifatanyije na MINALOC yatangiye gahunda yihariye y’ubugenzuzi buhuriweho bw’amashuri bugamije kuzamura ireme ry’uburezi.
Ni igikorwa cyatangiye ku ya 26 Gashyantare kikazasozwa ku ya 9 Werurwe 2024. Ubu bugenzuzi buzakorwa mu mashuri 1200 aho biteganyijwe ko nibura ibigo 40 by’amashuri bizasurwa muri buri Karere.
Iyi gahunda, ni imwe mu ntambwe y’ingenzi mu guteza imbere ireme ry’Uburezi, hazamurwa ibipimo ngenderwaho mu myigire n’imyigishirize mu mashuri y’inshuke, abanza n’ayisumbuye harimo amashuri yigisha Ubumenyi Rusange n’ amashuri yisumbuye ya Tekinike.
