Perezida wa Namibia Hage Geingob yapfuye ubwo yavurirwaga mu bitaro byo ku murwa mukuru Windhoek.
Umuvugizi we Nangolo Mbumba yatangaje ko Geingob yapfuye mu masaha ya mu gitondo cyo kuri iki Cyumweru tariki ya 04 Gashyantare.
Mu itangazo, Mbumba yagize ati:”Iruhande rwe hari hari umugore we Monica Geingos hamwe n’abana be.”
Uwo muyobozi w’imyaka 82 bari bamusanganye indwara ya cancer, akaba yari yabivuze ku mugaragaro mu kwezi gushize.
Ibiro bye bivuga ko yari kujya mu rugendo rwo kwivuza muri Amerika, ariko agahita agaruka tariki 2 z’ukwezi kwa Gashyantare.
Geingob yabaye umukuru w’igihugu muri 2015, akaba yarimo ayobora Manda ye ya kabiri ari na yo ya nyuma.
Mu mwaka ushize baramubaze, hanyuma no muri 2014 yari yahishuye ko yakize cancer yo muri ‘prostate’.
Muri Namibia hateganyijwe amatora ya perezida n’ay’abadepite mu kwezi k’ Ugushyingo 2024.
Ishyaka riri ku butegetsi, Swapo, riri ku butegetsi kuva icyo gihugu cyabona ubwigenge intahe mu 1990, ryatoye Nandi-Ndaitwah nk’umukandida waryo wa perezida.
Uwo mugore asanzwe ari icyegera cya Minisitiri w’intebe, kandi azaba abaye umugore wa mbere uyoboye icyo gihugu aramutse atsinze.
