Nyuma y’uko abakandida ku mwanya wa perezida wa Repubulika bari biyamamaje bamaganye ibyavuye mu matora, urukiko rushinzwe kurengera itegeko nshinga, rwemeje bidasubirwaho ko Perezida wari uriho muri Repubulika iharanira Demokarasi ya Congo, Felix Tshisekedi, ari we watsinze amatora.
Ibi bije nyuma y’uko ikirego cy’umukandida Theodore Ngoye, wasabaga ko aya matora ateshwa agaciro gitewe utwatsi kuko nta shingiro basanga gifite.
CENI, ni Komisiyo yigenga ishinzwe amatora muri iki gihugu, yatangaje ko umukandida wari uhagarariye Union Sacre, Felix Tshisekedi, ari we watsinze amatora ku majwi 73.34 %, Moise Katumbi akamugwa mu ntege, afite amajwi 18.08 %, bagakurikirwa na Martin Fayulu ku majwi 5.33 %.
Uretse umukandida wahataniraga kuyobora igihugu, watanze ikirego asaba ko amatora yateshwa agaciro, umuturage witwa Ehetshe Mpala David, nawe yari yatanze ikirego, gusa nacyo ngo basanze nta shingiro gifite.
