Mu gihe habaga imikino yo guhatanira tike yo kuzitabira imikino y’igikombe cy’isi, Brazil yari imaze imikino 15 itsindira mu rugo, yahanganyirije bitunguranye na Venezuela.
Muri uyu mukino, umukinnyi wa Brazil, Gabriel Maglhaes, ni we wafunguye amazamu ku munota wa 50.
Bari bizeye intsinzi nk’ibisanzwe, gusa ntiyarengeje umunota wa 85, kuko Bello wa Venezuela, yaje kwishyura iki gitego, ari na ko umukino warangiye ari 1-1.
Mu yindi mikino, Argentine yatsinze Paraguay 1-0, ni igitego cyatsinzwe na Otamendi ku munota wa 3.
Ibi byashyizeho agahigo, kuko nyuma yo kwegukana igikombe cy’isi giheruka, byatumye umunyezamu Emiliano Martinez, wagize uruhare rukomeye mu kwegukana iki gikombe, yuzuza iminota 622, atinjizwa igitego mu ikipe y’igihugu ya Argentine.
Colombia na Uruguay baguye miswi banganya ibitego 2-2.
Muri America y’Amajyepfo, hateganyijwe umukino w’ishiraniro uzahuza Argentine na Brazil ku itariki 22 Ugushyingo 2023,saa munani n’igice zo mu rukerera.
