Mu karere ka Rutsiro, mu Murenge wa Kigeyo haravugwa inkuru y’umugabo wasanzwe mu mugozi amanitse ari kumwe n’umwana we w’imyaka ibiri nawe ari mu mugozi bapfuye.
Iyi nkuru y’akababaro yamenyekanye kuri uyu wa mbere taliki 25 Nzeri 2023 ubwo basangaga uyu mugabo amanitse n’umwana mu mugozi w’inzitiramibu.
Rutayisire Déogratias, Umunyamabanga Nshingwabikorwa w’Umurenge wa Kigeyo, yatangarije Igihe dukesha iyi nkuru ko aya makuru nawe yayamenye.
Yagize ati “Amakuru dufite ni uko umugabo yagiranye ikibazo n’umugore we bararwana nyuma aza gusubira mu kazi ke ko guteka capati, nyuma nibwo baje gusanga umugozi w’inzitiramibu umuri mu ijosi n’umwana we amanitse.”
Gitifu yavuze ko urupfu rw’aba bantu rurimo urujijo, avuga ko iperereza ryatangiye kugira ngo hamenyekane uko byagenze.
