Umunya-Norvège Martin Odeegard ukinira ikipe ya Arsenal yongerewe amasezerano y’imyaka 4 nyuma yo kwitwara neza.
Martin Odeegard w’imyaka 24,yerekeje mu ikipe ya Arsenal avuye mu ikipe ya Real Madrid ku ntizanyo muri 2021.
Nyuma yo gutsinda ibitego 15, akanagira uruhare rukomeye mu kwitwara neza kwa Arsenal umwaka ushize, yatowe nk’ umukinnyi w’umwaka muri iyo kipe.
Ukwitwara neza kwe, kwatumye agirwa umukinnyi muto w’umwaka mu Bwongereza, anaza mu bakinnyi batoranyijwe umukinnyi mwiza w’umwaka mu Bwongereza muri rusange muri shampiyona ya 2022 – 2023.
Odeegard, ni nawe Kapiteni w’ ikipe ya Arsenal n’ikipe y’igihugu ya Norvège.
Mu byishimo byinshi yagize ati”Aya ni amwe mu masezerano anyoroheye kuyasinya, ni ibintu binteye ishema. Ikipe irimo gukora ibintu byiza cyane nanjye nifuza kubigiramo uruhare. Nta ko bisa kuba hano, ubu habaye mu rugo.’ ‘
Odeegard, ni inkingi ya mwamba muri Arsenal kuko kuri ubu mbere yo guhura n’iyi kipe amakipe yose ni we yigaho, gusa bikarangiza n’ubundi ubwitange, amayeri n’ubuhanga butumye ahesha ikipe ye intsinzi.
Odeegard amasezerano ye azarangira mu mwaka wa 2028.
