Indege yo muri Leta Zunze Ubumwe za Amerika, yo muri Sosiyete Delta Air Lines yasubiye inyuma vuba vuba kubera umwe mu bagenzi wari wazahajwe n’impiswi.
Ku wa gatunu taliki ya 01 Nzeri 2023, nibwo indege yo mu bwoko bwa Airbus A350, yahagurutse mu mujyi wa Atalanta muri Amerika yerekaza mu mujyi wa Barcelona muri Espagne.
Hashize igihe gito ihagurutse, abapilote, basabwe gusubira aho bari bahagurukiye kubera ko umwe mu bagenzi yari arembejwe n’impiswi.
CNN itangaza ko uwo mugenzi yatumye indege igaruka inyuma, igasiga uwo mugenzi, indege igakomeza ijya muri Espagne.
Ibi byatumye iyi ndege ikererwa amasaha umunani ku rugendo bari bateganyije rugera muri Espagne, ugereranije n’igihe bari bugerereyo.
Indege yasubiye inyuma kubera umugenzi wibasiwe n’impiswi kuva indege igihaguruka, nkuko byatangajwe n’ubuyobozi bwa Delta Air Lines.
Si ubwambere indege ihagaze kubera ikibazo cy’umugenzi waba ugize ikibazo cyo munda, kubera ko na Air Canada yasabye imbabazi muri iki cyumweru kubera abagenzi babiri bahatirijwe kwicara mu ntebe zanduye, zandujwe n’umugenzi wayigiyemo mbere akaruka mu ntebe.
Icyi kibazo cyo cyabaye ku wa 26 Kanama mu rugendo ruva Las Vegas rugana Montreal.
SRC:Igihe
