Kuri uyu wa Gatatu, taliki 30 Kanama 2023, mu gihugu cya Gabon biravugwa ko abasirikare bamaze gutesha agaciro ibyavuye mu matora, maze bagafata ubutegetsi.
Ibi bije nyuma y’uko ku wa Gatandatu ushize byari byatangajwe ko Ali Bongo, ari we wegukanye intsinzi mu matora y’umukuru w’igihugu.
Ibi bije nyuma y’ibiugu nka Guinea, Burkina Faso, Mali na Niger, hakozwe itembagazwa ry’ubutegetsi maze bukigarurirwa n’abasirikare.
Kugeza ubu aba basirikare batangaje ko basheshe n’izindi nzego z’ubutegetsi, gusa ntihazwi aho Perezida Bongo yaba aherereye niba yafunzwe nka Bazoum wa Niger.
Abatangabuhamya bavuga ko bumvise ibitwaro bya rutura byiyasira ku murwa mukuru Libreville.
Aba basirikare bagize babinyujije kuri televiziyo y’igihugu, bagize bati”Twagirango tubabwire ko guhera ubu dushyize iherezo ku butegetsi bw’akavuyo buganisha igihugu mu kaga bwa Bongo”
Kuri ubu bamaze gufunga imipaka yose y’iki gihugu, basaba abanyagihugu, abanyamahanga bagituyemo, n’abatuye hanze yacyo ko bakwiye gutuza kuko nta kibi bifuriza igihugu.
Aba basirikare bakunze kwigarurira ubutesgetsi bashinja abategetsi bari bariho, akajagari, gukorera mu kw’aha kw’ibihugu bya Amerika n’Uburayi kandi bakanyereza umutungo banawukoresha nabi.
