Igikorwa cyo guhererekanya imbohe zose hagati ya Irani na Amerika gishobora kuzafata amezi agera kuri abiri kugirango kirangire.
Irani yabitangaje kuri uyu wa mbere tariki ya 21 Kanama, ibinyujije ku munyamabanga wa Leta ushinzwe imibanire n’amahanga, Nasser Kanaani nk’uko tubikesha Radio Ijwi ry’Amerika.
Ibihugu by’Amerika na Irani byumvikanye guhanahana imbohe bifitaniye mu ntangiro z’uku kwezi. Muri rusange, Irani izaha Amerika abanyagihugu bayo batanu, Amerika nayo ihe Irani abayo batanu.
Amasezerano hagati y’Amerika na Irani ateganya kandi ko Amerika irekura amafaranga ya Irani agera ku miliyari 6 yafatiye muri Koreya y’Epfo.
Ibinyamakuru byo muri Korea y’Epfo bivuga ko ayo mafaranga yose yageze muri banki nkuru y’Ubusuwisi mu cyumweru gishize, kugirango avunjwe hanyuma agezwe muri Irani.
